Кыргыз Республикасынын Тышкы иштер министрлиги АКШнын аймагында А.М. аттуу жаранды кармоо боюнча акыркы билдирүүлөрдү комментарийлеп өттү.
Тышкы саясат мекемеси берген маалыматка ылайык, кыргызстандык учурда Аризона штатында жайгашкан «Eloy Detention Center» иммиграциялык борборунда, АКШнын Иммиграция жана бажы кызматынын (ICE) көзөмөлүндө турат.
ТИМ ошондой эле, Кыргызстан Республикасынын Чикагодогу Генералдык консулдугу бул маселени тиешелүү америкалык органдар менен кызматташтыкта чечүү боюнча активдүү иш алып барып жатканын жана кырдаалдын өнүгүшүн жакындан көзөмөлдөп жатканын билдирди.
