Ачылыш аземине курулуш, архитектура жана турак жай-коммуналдык чарба министрлигинин жогорку кызматкерлери, Нарын облусундагы президенттин ыйгарым укуктуу өкүлчүлүгүнүн өкүлдөрү, Ат-Башы райондук мамлекеттик администрациясынын кызматкерлери, ошондой эле жергиликтүү тургундар жана бир катар райондук ишканалардын жетекчилери катышты.
Жаңы имараттын курулушу 2025-жылдын 10-июлунда башталган, анын курулушуна 15 миллион сом бөлүнгөн. Имараттын аянты 200 квадрат метрди түзөт.
Мындан тышкары, Ат-Башы районунун курулуш жана архитектура башкармалыгы заманбап GPS жабдуулары жана лазердик принтер менен камсыздалды, алардын баасы 600 миң сомду түзөт, бул өнүктүрүү фондунун колдоосу менен ишке ашты.
