Кок-Жар конушунда 750 окуучуга ылайыкташкан жаңы мектептин курулушу активдүү жүрүп жатат.
Курулуш министрлиги берген маалыматка ылайык, долбоор республикалык бюджеттен каржыланууда жана бардык курулуш иштеринин аякташы ушул жылдын аягына чейин күтүлүүдө. Учурда жер казуучу иштер аяктады, куруучулар фундаментти куюуга киришти.
Жаңы мектептин долбоору кең класстарды, лабораторияларды, китепкананы, ашкананы, компьютердик классты, устаканаларды, акт залын жана спорт залын камтыйт, бул окуу процессине бардык зарыл шарттарды камсыздайт. Имарат үч кабаттуу болуп, үч блокко бөлүнөт.
Курулуш аяктагандан кийин, мектеп заманбап билим берүү мейкиндигинде 2000 окуучуга ыңгайлуу шарттарды камсыздай алат.
Президент Садыр Жапаровдун көрсөтмөсүнө ылайык, Курулуш министрлиги Бишкекте 20 мектептин курулуш долбоорун да көзөмөлдөп жатканын белгилеп өтүү керек.
