2-мартта Бишкекте 20 мектептин курулушу боюнча жумушчу жыйын өттү.
Курулуш министрлиги жыйынга министрдин орун басары Талантбек Иманакун уулу жетекчилик кылганын, ага тиешелүү департаменттердин жетекчилери жана подряддык компаниялардын өкүлдөрү катышканын билдирди.
Жыйындын күн тартибинде бул билим берүү мекемелеринин техникалык аспекттери, сапаты жана курулуштун ылдамдыгы талкууланды. Жыйындын катышуучулары долбоорлорду ишке ашыруу, курулуш материалдары менен камсыздоо, жумуш процессин уюштуруу, коопсуздук чараларын сактоо жана каржылоо маселелерин да карашты, ошондой эле белгиленген мөөнөттөргө ылайык иштерди аткаруу боюнча маанилүү маселелерди талкуулашты. Кечикүүлөрдү алдын алуу үчүн подряддык уюмдарга конкреттүү сунуштар берилди.
Президент Садыр Жапаровдун көрсөтмөсүнө ылайык, быйыл Бишкекте республикалык бюджеттин эсебинен 20 мектептин курулушу башталды, анын ичинде:
Октябрь районунда 6 мектеп;
Ленин районунда 6 мектеп;
Биринчи май районунда 5 мектеп;
Свердлов районунда 3 мектеп.
Республикалык бюджеттин толук каржылоосу менен бардык объектилерде курулуш иштери активдүү улантылууда.
Министерство курулуштун сапаты, коопсуздугу жана мөөнөттөрдү сактоо боюнча туруктуу көзөмөл жүргүзүп, Бишкек шаарындагы билим берүү инфраструктурасын өнүктүрүүгө жана балдар үчүн заманбап шарттарды түзүүгө багытталган.
