Бүгүн, 3-мартта, Бишкекте, Маданият, маалымат жана жаштар саясаты министрлигинин, ошондой эле шаардык мэриянын колдоосу менен жаңы көп функционалдык маданий борбордун негизине капсула коюу аземи өттү.
Иш-чарага маданият министри Мирбек Мамбеталиев жана Бишкек мэри Айбек Джунушалиев катышты.
Мирбек Мамбеталиев министрлик менен мэриянын кызматташтыгынын маанилүүлүгүн баса белгилеп, жаңы борбор театралдык көрсөтүүлөр, концерттер, кино көрсөтүүлөр, жаштар инициативалары жана билим берүү программалары үчүн маанилүү аянтча болуп, ошондой эле креативдик индустрияларды жана диалогду өнүктүрүүгө көмөктөшөт деп үмүттөнөөрүн билдирди.
Эскерте кетсек, «Чатыр-Куль» эски кинотеатрынын имараты 2009-жылы мамлекеттик жаштар театры «Учурга» өткөрүлүп берилген. Бирок 2025-жылы авариялык абалда деп табылып, анын бузулушу тууралуу чечим кабыл алынган. Андан кийин объект Бишкек мэриясына өткөрүлүп, зарыл каражаттар бөлүнүп, жаңы заманбап имараттын курулушу башталган.
