Бул иш-чара айыл чарба өндүрүүчүлөрүн, фермерлерди, ишкерлерди жана адистерди бириктирип, агрардык тармактагы жаңы мүмкүнчүлүктөрдү талкуулоого, климаттык шарттарга ылайыктуу инновациялык технологияларды киргизүүгө жана өнөктөштүктү өнүктүрүүгө аянтча болду.
Ачылышында өкмөт башчысынын орун басары, суу ресурстары, айыл чарба жана кайра иштетүү өнөр жайы министри Эрлист Акунбеков, ошондой эле жергиликтүү бийлик өкүлдөрү жана тургундар катышты.
Шаардык бийлик өкүлдөрү бардык катышуучуларды жарманкенин башталышы жана Ак калпак күнү менен куттукташты.
Көргөзмөдө айыл чарба техникасынын, агротехнологиялардын, уруктардын жана көчөттөрдүн ар кандай үлгүлөрү, ошондой эле жергиликтүү ишкерлердин продукциясы көрсөтүлүүдө.
Уюштуруучүлөрдүн маалыматы боюнча, жарманкеге өлкөнүн ар кайсы региондорунан жана коңшу өлкөлөрдөн 150дөн ашык фермерлер жана ишкерлер катышууда. Жарманке эртең дагы уланат.
