Эки монетанын жалпы баасы 8 миң сомду түзүп, аларды антиквариатка кызыккан адамдар сатып алышты.
Тарыхчы-краевед Максим Подгорный бул монеталардын мааниси жана баалуулугу тууралуу айтып берди.
Анын маалыматына ылайык, бул күмүш рублдар 1877-жылга таандык жана Россия императоры Александр II башкарган доорго кирет. Кыргызстандагы коллекционерлер базарында оригинал экземплярлар 7 миңден 10 миң сомго чейин турат, монеталардын абалына жараша.
«Бул күмүш рублдар Кыргызстанга 1860-жылдардан кийин биринчи орус көчмөндөрү менен келген. Алар 868 сынамыктан жасалган, ар бир монета 20 грамм салмакта, диаметри 35,5 мм», - деди М. Подгорный.
