Ал күнү борбордун температурасы +21 градуска жетти.
Мунун тескерисинче, 1971-жылы 8-мартта катталган эң суук күн болуп, температура −17,9 градуска түшкөн.
«Аба ырайы жана климат» дүйнө жүзүндөгү аба ырайы шарттары тууралуу маалыматтарды сунуштайт. Ар бир күндүн температуралык рекорддору узак мөөнөттүү байкоолордун негизинде чогултулган эң төмөнкү жана жогорку көрсөткүчтөргө ылайык аныкталат. Бишкектеги аба ырайы боюнча маалыматтар 1936-жылдан 2024-жылга чейин чогултулса, аба ырайынын аномалиялары боюнча маалыматтар 1898-жылдан бери жүргүзүлүп келет.
Борбордун март айындагы орточо температурасы +6,2 градус.
Бардык байкоолордун арасында эң жылуу март 2016-жылы катталган, ал учурда орточо температура +10,9 градус болгон.
Эң суук март 1898-жылы катталып, орточо температурасы −1,1 градус болгон.
Синоптиктердин болжолдоолоруна ылайык, быйыл 8-мартта Бишкекте булуттуу аба ырайы күтүлүүдө. Күндуз температура +16 градуска жетип, түнкүсүн +6 градуска түшөт.
