Ош шаарынын мэри Жанарбек Акаев «Ош ТВ» телеканалына барып, анын иши менен таанышып, мекемеге жаңы кызматтык унаа тапшырды.
Мэриянын маалыматы боюнча, бул унаа телеканалдын ишинин натыйжалуулугун жогорулатууга жана журналисттерге коомдук, социалдык жана маданий жашоодогу ар түрдүү иш-чараларды ыкчам чагылдыруу үчүн шарттарды түзүүгө багытталган.
Шаар башчысы «Ош ТВ» телеканалынын шаардык жана мамлекеттик саясатты чагылдыруудагы маанилүүлүгүн, ошондой эле өлкө президентинин демилгелерин колдоодо маанилүү экенин белгиледи. Ал калкка так жана ишенимдүү маалымат берүү маанилүүлүгүнө көңүл бурду.
Мындан тышкары, мэр телеканалынын маалыматтык ишмердүүлүгүн күчөтүүнүн зарылдыгын белгилеп, кызматкерлердин айлык акысынын жогорулашы боюнча пландарын билдирди.
