Ош облусунда, Араван районунун борбордук базарында эт азыктарынын баасын текшерүү өткөрүлдү. Маалыматты жергиликтүү бийлик өкүлчүлүгү берди.
Ош облусунун орун басары Илияз Ташбаев, Араван районунун акими Данияр Эркимбаев жана антимонопольдук кызмат өкүлдөрү менен биргеликте эттин баасын мониторинг жүргүздү.
Текшерүүнүн натыйжасында, сиыр этинин баасы 670 сом, ал эми кой этинин баасы 680 сом экендиги белгилүү болду.
Илияз Ташбаев сатуучүлөр менен түшүндүрүү иштерин жүргүзүп, мамлекет тарабынан белгиленген бааларды сактоонун зарылдыгына көңүл бурду жана алардын негизсиз жогорулашынын болбошу керектигин эскертти.
Ошондой эле жергиликтүү бийлик сатуучүлөргө соода жайларында санитардык нормаларды сактоонун, тазалыкты камсыз кылуунун жана кардарлар менен салмактоодо адилеттүү мамиле кылуунун маанилүүлүгүн эске салды, сатып алуучулардын кызыкчылыктарын биринчи орунга коюу керектигин белгиледи.
Региондогу эттин баасын көзөмөлдөө улантылат.
