Орозо айтына даярдык көрүү учурунда Кыргызстанда коомдук тартипти камсыздоо боюнча ири операция өткөрүлөт, анын жүрүшүндө 10 миңден ашык милиционер коопсуздукту камсыздоо милдетин өзүнө алат. Бул тууралуу Бишкек шаардык ички иштер башкармалыгы маалымат берди.
Расмий маалыматка ылайык, укук коргоо органдарынын кызматкерлери күчөтүлгөн режимде иштешет, жарандардын коопсуздугуна жана мүмкүн болгон мыйзам бузууларды алдын алууга өзгөчө көңүл бурат.
Айт намазы тек гана мечиттердин аймагында өтөт. Милиция жарандарды тартипти сактоого, өз ара урматтоого жана укук коргоо органдарынын кызматкерлеринин талаптарын аткарууга чакырат.
Айт намазын өткөрүү программасы (ДУМКнын маалыматына ылайык):
* 07:30 – 08:00 - баяндоолор;
* 08:00 – 08:25 - имам-хатибдердин жана мамлекеттик ишмерлердин куттуктоолору;
* 08:25 – 08:30 - Айт намазынын эрежелерин үйрөтүү;
* 08:30 – 08:50 - майрамдык намаз.
