Нарын шаарында 21-мартта өтө турган Нооруз майрамына байланыштуу Т. Усубалиев атындагы борбордук аянтта унаа кыймылы убактылуу чектелет.
Шаардык мэрия тарабынан берилген маалыматка ылайык, шаардыктар жана коноктор үчүн атайын токтоочу зоналар түзүлгөн.
Башка аймактардан келген автоунаа ээлерине шаарга киргенде төмөнкү токтоочу жайларда унааларын калтырууга сунушталат:
- башка РТС аймагы;
- «Москва» аймагындагы терминал;
- «Городок» аймагындагы эт комбинаты жана сүт заводу;
- «Жаны-Жол» аймагындагы суу чарба двор.
Мындан тышкары, жергиликтүү тургундар төмөнкү токтоочу жайларды пайдаланууга мүмкүнчүлүк алышат:
- РТС аймагы: Самансур Ата көчөсү, 17а;
- «Москва» аймагы: терминал;
- автовокзал: Ленин көчөсү, 7;
- эт комбинаты: Ленин көчөсү, 105;
- сүт заводу: Ленин көчөсү, 178а;
- «Жаны-Жол» аймагы: Жаны-Жол көчөсү, 1а.
Майрамдык иш-чаралар 21-мартта саат 11:00дө башталып, 21:30га чейин уланат.
