«Кызмат» мекемесинин директору Азамат Джапаров Бишкектеги ОБСЕнин Программалык офисинин улуттук кеңешчиси Алыбек Курбаналиев менен жолугушуу өткөрдү. Жолугушууда уюмдар ортосундагы санариптик кызматташуу маселелери талкууланды, деп билдирет ведомствонун маалымат кызматынан.
Жолугушуунун жүрүшүндө ОБСЕнин Программалык офисинин өкүлдөрү санариптик технологияларды киргизүүгө жана мамлекеттик кызматтардын сапатын жакшыртууга көмөктөшүүчү заманбап жабдууларды тапшырды.
Тараптар ошондой эле инновациялык чечимдерди колдонуу мүмкүнчүлүктөрүн, мамлекеттик кызматкерлердин санариптик көндүмдөрүн өнүктүрүүнү жана биргелешкен долбоорлорду ишке ашыруу пландарын талкуулашты.
Жолугушуунун аягында Джапаров өнөктөштөрүнө ыраазычылык билдирип, Кыргызстанда санариптик прогрессти улантуу үчүн биргелешкен ишти улантууга болгон каалоосун билдирди.
