Бул маалымат Иссык-Куль облусунун Ички иштер башкармалыгынын басма сөз кызматы тарабынан берилди.
Акциянын алкагында инспекторлор жол кырсыгында талкаланып калган унааларды эвакуаторлорго жүктөп, шаар боюнча жүрүп, жол кыймылынын эрежелерин бузуунун кесепеттерин көрсөтүштү. Алар мас абалында унаа башкаруу, светофордун сигналдарын эске албоо жана каршы тилкеге чыгуунун оор кырсыктарга алып келиши мүмкүн экенин баса белгилешти.
Иш-чара учурунда айдоочуларга эрежелерди сактоого чакырган кайрылуулар жасалды.
Мындан тышкары, акциянын катышуучуларына «Жол кыймылынын эрежелери» деген аталыштагы брошюралар тапшырылып, эрежелерди катуу сактоонун зарылдыгы тууралуу түшүндүрүү сүйлөшүүлөрү өткөрүлдү.
