Торжестволук программа президенттин Чүй облусундагы ыйгарым укуктуу өкүлчүлүгүнөн делегациянын визити менен башталды, аны шаардык жетекчилик жылуу тосуп алды. Бул визит учурунда муниципалдык мекемелерге жаңы адистештирилген техника тапшырылды.
Кийинки иш-чаралар В.И. Ленин атындагы шаардык маданият үйүндө өттү, анда кол өнөрчүлөрдүн жана диаспора өкүлдөрүнүн, ошондой эле ишкерлердин эмгектеринен көргөзмө уюштурулду. Иш-чаранын катышуучулары улуттук салттар жана маданий мурас атмосферасына кирип кетишти.
Көрүүчүлөрдүн өзгөчө кызыгуусун «Бешикке салуу» жана «Алас, алас айтуu» театралдаштырылган көрсөтүүлөр, ошондой эле «Элим» жана «Грация» ансамблдеринин чыгармачылыгы тартты.
Салтанаттуу сөздөр менен бийликтин жана коомчулуктун өкүлдөрү чыгып сүйлөдү. Президенттин ыйгарым укуктуу өкүлү мындай иш-чаралардын биримдикти бекемдөө жана маданий салттарды сактоо үчүн маанилүүлүгүн белгиледи.
Майрамдын аягында концерттик программа жана улуттук спорт түрлөрү боюнча мелдештер пландалган.
