21-мартта Чүй облусунда Кыргыз Республикасынын президенти Садыр Жапаровдун онлайн форматында өткөргөн жаңы укук коргоо органдарынын объектилерин ачуу салтанаты болуп өттү. Бул тууралуу Чүй облустук Ички иштер башкармалыгынан билдиришти.
Иш-чаранын жүрүшүндө үч объект расмий түрдө пайдаланууга берилди: Ысык-Ата районундагы Ивановка айылындагы жаңы милиция бөлүмү, Ново-Покровка айылындагы милиция пункту жана Панфилов районундагы Күрпүлдөк айылындагы милиция пункту. "Бул жаңы имараттар жарандардын коопсуздугун камсыздоодо жана укук коргоо органдарынын материалдык-техникалык базасын жакшыртууда маанилүү роль ойнойт", - деп белгиленди билдирүүдө.
Салтанатка Чүй облустук Ички иштер башкармалыгынын начальниги, милициянын полковниги Каныбек Абдырахманов, анын орун басары, ошондой эле жергиликтүү бийлик өкүлдөрү, күч структураларынын кызматкерлери, укук коргоо органдарынын ардагерлери, бөлүмдөрдүн жеке курамы жана жергиликтүү тургундар катышты.
