Бишкекте учурда «Нелегал» аттуу операция өтүүдө, анын максаты — мыйзамсыз миграция фактыларын аныктоо жана экстремизм менен байланышкан мүмкүн болгон коркунучтарды алдын алуу. Бул тууралуу шаардык Ички иштер башкармалыгынын маалымат кызматы билдирет.
Рейддердин жүрүшүндө милиция кызматкерлери 200дөн ашык чет элдик жарандарды кармашты. Учурда алардын документтери текшерилип, Кыргызстанда болушунун мыйзамдуулугу жана укук бузууларга катыштыгы аныкталууда.
Бул операция экстремизмге жана мыйзамсыз миграцияга каршы күрөшүүчү кызмат тарабынан уюштурулган жана алдын алуу мүнөзүнө ээ. Иш-чаралардын негизги максаты миграция мыйзамдарын бузууну токтотуу жана коомдун коопсуздугун камсыздоо болуп саналат.
