Кыргызстандын Өзгөчө кырдаалдар министри Канатбек Чыныбаев Америка Кошмо Штаттарынын элчиси Лесли Вигери менен жолугушуу өткөрдү, бул тууралуу Өзгөчө кырдаалдар министрлигинин басма сөз кызматы билдирет.
Талкуулоо учурунда тараптар эки тараптуу өз ара аракеттенүүнүн абалына жана келечегине көңүл буруп, анын конструктивдүү мүнөзүн белгилешти. Айрыкча, өзгөчө кырдаалдарды алдын алуу жана жоюу боюнча кызматташууга, тажрыйба алмашууга жана адистердин кесиптик жөндөмдөрүн өнүктүрүүгө басым жасалды.
Мындан тышкары, биргелешкен иш-чараларды уюштуруу, заманбап технологияларды киргизүү жана өзгөчө кырдаалдарга жооп берүүгө даярдыкты жогорулатуу маселелери талкууланды.
