Turmush маалымат агенттиги бул тууралуу билдирет.
Жыйынды Талас облусунун прокуратурасы уюштурду, ал эми анын төрагасы болуп прокурордун орун басары Батыркул Муназбеков шайланды.
Иш-чарага облусунун шаарлары жана райондорунан прокурорлор, ошондой эле ички иштер органдарынын жетекчилери катышты.
Жыйындын талкуусу узак убакыттан бери ачылбай жаткан оор жана өтө оор категориядагы кылмыштарга арналды. Облус прокуратурасы мындай кылмыштарды ачуу үчүн тергөө-оперативдик иш-чараларды уюштуруу боюнча укук коргоо органдарынын жетекчилерине талаптарды билдирди.
Шаарлардын жана райондордун прокурорлоруна, ошондой эле ички иштер органдарынын жетекчилерине аталган категориядагы кылмыштарды ачууда конкреттүү натыйжаларга жетүү үчүн жеке тажрыйбаларын пайдалануу сунушталды.
Учурда укук коргоо органдарынын, анын ичинде ГКНБ жана ички иштер органдарынын өндүрүшүндө 69 оор жана 90 өтө оор кылмыш ачылбай турат.
Объектилер
Спутник
⛶
