Каттоонун тактыгын жана сапатын камсыз кылуу үчүн райондо 12 инструктордук жана 4 координациялык участкалар уюштурулган, анда 58 каттоочу мобилдик колдонмону колдонуп эсеп жүргүзүүдө.
2023-жылдын 1-январына карата, райондук статистика бөлүмүнүн башчысы Нуржамал Зикированын айтымында, Алай районунда 42 393 баш ири мүйүздүү мал, 154 416 баш кичи мүйүздүү мал, 18 412 ат жана 61 450 куш катталган.
Каттоо алкагында малдын породалары, айыл чарба өсүмдүктөрүнүн түрлөрү жана айыл чарба техникаларынын болушу боюнча маалыматтар жыйналат. Ошондой эле айыл чарба жерлери, себилген өсүмдүктөр жана ижарага берилген же ижарага алынган жерлер боюнча маалымат такталат.
Н. Зикирова каттоонун жыйынтыктары азык-түлүк жана экономика секторунун өнүгүшү үчүн маанилүү маалымат булагы болоорун баса белгиледи.
Объектилер
Спутник
⛶
