Архивден алынган сүрөт. Эдмар Ласерда, Кыргызстан курама командасынын башкы машыктыруучусу
Ласерданын айтымында, Кыргызстан курама командасы турнирге жогорку сапаттагы жана көркөм футбол көрсөтүү максатында келди.
«Биз күчтүү атаандаштар менен кыйын топко түшкөнүбүздү түшүнүп турабыз, бирок биз бул чакырыкка даярбыз. Биздин даярдыгыбыз жакшы болду, жана биз эң мыкты футболду көрсөтүүгө даярбыз», — деп белгиледи ал.
Машыктыруучу командасы атаандаштарын изилдегенин, өзгөчө Вьетнам курама командасын техникалык жана күчтүү деп белгилеп өттү.
«Аларда мыкты машыктыруучу бар. Топ абдан күчтүү, жана оңой болбойт. Биз үчүн биринчи оюнду ийгиликтүү баштоо маанилүү», — деп баса белгиледи Эдмар Ласерда.
Кыргызстан курама командасынын оюндардын расписаниесин эске салабыз (Бишкек убактысы боюнча):
6-январь, 22:00 — Саудия Аравиясы — Кыргызстан
(принц Абдулла Аль-Файсал стадиону, Джидда);
9-январь, 20:00 — Кыргызстан — Вьетнам
(«Кинг Абдулла Спорт Сити», Джидда);
12-январь, 22:30 — Иордания — Кыргызстан
(«Кинг Абдулла Спорт Сити», Джидда).
Саудия Аравиясынын курама командасына каршы оюн турнирди ачат.
