Ак-Тал айылынын башчысы Дастан Иманбеков берген маалыматка ылайык, иш-чара 1990-жылы төрөлгөн жаштар тарабынан уюштурулган. Турнир үч жаш категориясында өттү:
— 40 жашка чейинки эркектер;
— 40 жаштан жогорку эркектер;
— кыздар жана аялдар.
Приздик фонд 50 миң сомго жетти, ошондой эле жеңүүчүлөр үчүн кубоктор, 1–3-орундар үчүн медалдар жана башка сыйлыктар каралган. Мелдештер биринчи жолу өткөрүлбөйт — алар традицияга айланып, ар жылы ар түрдүү муундардын колдоосу менен уюштурулат. Кийинки турнир 1991-жылы төрөлгөн жаштар тарабынан уюштурулат.
Бул мелдештердин негизги максаты — жашоочулардын ортосунда биримдикти камсыз кылуу, жергиликтүү деңгээлде спортту өнүктүрүү, жаштарды активдүү оюндарга тартуу жана спорт аркылуу терс көрүнүштөрдүн алдын алуу.
40 жашка чейинки эркектер арасында турниринин жыйынтыктары:
1-орун — Аэропорт кварталынын командасы
2-орун — Ала-Тоо кварталы
3-орун — Кампа кварталы.
40 жаштан жогорку эркектер арасында жеңүүчүлөр:
1-орун — Төмөнкү квартал
2-орун — 1986-жылы төрөлгөн жигиттердин командасы
3-орун — 1974-жылы төрөлгөн жигиттердин командасы.
Аялдар боюнча:
1-орун — Аскар Турдакунов атындагы орто мектептин командасы
2-орун — Төмөнкү айыл кварталы
3-орун — Рахат Алыбаев атындагы балдар бакчасынын командасы.
Уюштуруучулар жеңүүчүлөргө кубоктор, медалдар, грамоталар жана акчалай сыйлыктар тапшырды.
