2026-жылдын 14-февралында Кара-Балта шаарындагы балдар-жаштар спорт мектебинде ушул эскерүү күнү менен байланыштуу Жайыл районунун ачык чемпионаты өттү.
Мелдешке Жайыл районунан төрт команда катышты. Орто мектеп №9дун окуучулары машыктыруучу Шурубубу Оморованын жетекчилигинде үчүнчү орунду ээледи.
Экинчи орунду Ак-Башат орто мектебинин окуучулары машыктыруучу Сыргабек Ахматовдун жетекчилигинде алышты.
Биринчи орун жана жеңүүчүлөр титулу А. Закиров атындагы Кызыл-Дыйкан орто мектебинин командасына тийиштүү болду, аны Темирбек Долотбаков машыктырды.
Тогуз коргоол боюнча турнирдын жеңүүчүлөрүнүн арасында: Рыспеков Фархад, Рыспеков Амаль, Кубанычбекова Айбийке, Кубанычбекова Нурбийке, Кубанычбекова Айша, Алмазбекова Адеми, Бактыбекова Арууке жана Сапарбаева Раяна аталды.
Приздүү орундарды ээлеген бардык катышуучулар Жайыл районунун балдар-жаштар спорт мектеби тарабынан берилген медалдар жана дипломдор менен сыйланды.
