Ведомстводон белгилегендей, иш-чаранын максаты жаштарда патриоттук сезимди калыптандыруу, тартипти бекемдөө жана дене тарбияны популяризациялоо, ошондой эле өспүрүмдөр арасында укук бузуулар жана зомбулук деңгээлин төмөндөтүү болуп саналат.
Жеңүүчүлөрдү сыйлоо аземи 2023-жылдын 20-февралында өттү. Иш-чаранын жүрүшүндө райондун акими сыйлык алган командаларды куттуктап, сыйлыктарды тапшырды.
Жигиттер арасында жыйынтыктар:
1-орун — Исы Байбеков атындагы мектептин командасы;
2-орун — Карыпбай Курманов атындагы мектептин командасы;
3-орун — Жапаркула Алыбаев атындагы мектептин командасы.
Кыздар арасында жыйынтыктар:
1-орун — Руслан Шаботоев атындагы мектептин командасы;
2-орун — Динара Мамашева атындагы мектептин командасы;
3-орун — А. Турсуналиев атындагы мектептин командасы.
Мындан тышкары, 2023-жылдын 11 жана 12-февралында Иссык-Ата районунда II райондук этап Республикалык олимпиадасы өттү, ага 420 окуучу катышты.
«Бул этаптын жыйынтыгы боюнча 38 окуучу мыкты натыйжаларды көрсөтүп, III облустук этапка катышуу мүмкүнчүлүгүнө ээ болушту», — деп билдиришти администрациядан. Иссык-Ата райондук мамлекеттик администрациясынын башчысы тантаналуу шартта мыкты окуучуларга дипломдорду жана белектерди тапшырды.
