29-мартта Бишкекте Кыргызстан Универсиадасынын алкагында өтүп жаткан жигиттер жана кыздар арасындагы үстөл тенниси боюнча мелдештер аяктады.
Кыргыз Республикасынын Физикалык маданият жана спорт мамлекеттик агенттиги берген маалыматка ылайык, жигиттер арасында жеңишти Б. Сыдыков атындагы Кыргыз-Узбек эл аралык университетинин студенттери жеңип алышты. Экинчи орунду Ош мамлекеттик университетинин студенттери, ал эми үчүнчү орунду Б. Турусбеков атындагы Кыргыз мамлекеттик дене тарбия жана спорт академиясынын студенттери ээлешти.
Кыздар арасында биринчи орунду И. Раззаков атындагы Кыргыз мамлекеттик техникалык университетинин студенттери жеңип алышты. Ош мамлекеттик университетинин студенттери экинчи орунду, ал эми үчүнчү орунду Б. Ельцин атындагы Кыргыз-Россия Славян университетинин окуучулары ээлешти.
