Акиева Гульдана Салморбековна — педагогика боюнча доктор

Акиева Гульдана Салморбековна (1957), педагогикалык илимдердин доктору (1998)

Кыргызстанда. Фрунзе шаарында төрөлгөн. В.И.Ленин атындагы МГПИни (Москва, 1980) жана КГУнун аспирантурасын (1985), КазГУнун докторантурасын (Алматы, 1996) аяктаган.

КГУ жана КГПУда окутуучу, улук окутуучу, доцент болуп иштеген, КГНУн жогорку мектеп кафедрасынын профессору, 2000-жылдан тарта И.Арабаев атындагы КГПУнун ИПК жана ПКнын директору.

Жалпы педагогика боюнча адис. РФнын педагогикалык жана социалдык илимдер академиясынын академиги (2000). 50дөн ашык илимий эмгектери, анын ичинде 3 монография жана 2 окуу китеби жарык көргөн.

Негизги эмгектери:

1. Кыргыз Республикасында аномалиялуу балдарды окутуу тарбиялоо системасын өнүктүрүүнүн тарыхы (1920-1990-жылдар). Бишкек, «Илим», 1994.
2. Педагогиканын кээ бир жалпы маселелери (лекциялардын курсу, авторлош). Бишкек, КГНУ, 1994.
3. Кыргызстандагы мектеп окуучуларынын ден соолугун коргоо системасы. Бишкек, «Эмгек», 1996.
4. Кыргызстандагы мектеп окуучуларынын ден соолугун коргоо системасынын натыйжалуулугун жогорулатуу үчүн педагогикалык негиздер. Бишкек, И.Арабаев атындагы КГПУ. 1997.
5. Жогорку окуу жайларындагы педагогиканын негиздери (авторлоштук менен). Бишкек, КГНУ, 2001.