Забидитов Таалайбек

Забидитов Таалайбек

Сүрөтчү. Кыргыз Республикасынын билим берүү отличниги. 1952-жылдын 23-майында Ош облусунун Кара-Суй районундагы Бек-Жар айылында төрөлгөн. 1971-жылы Фрунзе көркөм сүрөт училищесин, 1987-жылы Б. Бейшеналиева атындагы искусствалар институтун бүтүргөн.

1971-1980-жылдары Ош шаарындагы чыгармачылык-өндүрүштүк бирикмеде иштеген. 1980-жылы Ош шаарында биринчи көркөм сүрөт мектебин ачуу демилгесин көтөргөн.

Кыргыз Республикасынын Ардак грамотасы, Кыргыз Республикасынын илим, билим берүү жана маданият министрлигинин Ардак грамотасы, «Манас» эпосунун 1000 жылдыгына арналган эстелик медалы, ЮНЕСКОнун Гран-Присинин ээси.

2002-жылы Кыргыз Республикасынын сүрөтчүлөр союзунун Ош бөлүмүнүн жооптуу катчысы болуп шайланган.

1993-жылдан бери Кыргыз Республикасынын сүрөтчүлөр союзунун мүчөсү. Регионалдык, республикалык жана эл аралык көргөзмөлөрдүн катышуучусу.

Негизги иштер

В.И.Ленинге арналган эстелик, Капри аралында. 1979. Кенеп, май. 70,
Курпсай ГЭСинин куруучулары. 1982. Кенеп, май. 105x138.
Чолпонбаянын эрдиги. 1989. Кенеп, май. 152x202.
Ала-Кииз. 1989. Кенеп, май. 100x70.
Эне. 1991. Кенеп, май. 170x120.