Матаев Жусуп

Матаев Жусуп

Сүрөтчү, график. 1956-жылдын 21-февралында Кыргыз ССРинин Токтогул районунун Кызыл-Озгоруш айылында төрөлгөн.

1979-жылы Фрунзе көркөм өнөр окуу жайын аяктаган, 1994-жылы И.Арабаев атындагы Кыргыз мамлекеттик педагогикалык университетинин маданият факультетин аяктаган.

1979-жылдан бери - Кыргызстандын көркөм фондунда сүрөтчү-декоратор.

Республикалык көргөзмөлөрдүн катышуучусу.

Эмгектери Кыргыз Республикасынын Г.Айтиева атындагы улуттук көркөм искусстволор музейинде, жакын жана алыс чет өлкөлөрдүн жеке коллекцияларында сакталууда.

Кыргыз Республикасынын Мамлекеттик желегинин автору.

1991-жылдан бери - Кыргыз Республикасынын Сүрөтчүлөр союзунун мүчөсү.

Негизги эмгектери

Нарын курулууда. Кенеп, май. 100x80.
Сугатчы. Кенеп, май. 100x100.
Эл артисти Жумамидин Шералиевдин портрети. Кенеп, май. 101x86.
Генерал-полковник М. Субановдун портрети. Кенеп, май. 110x100.
Эл артисти Болот Бейшеналиевдин портрети. Кенеп, май. 99x130.
Сүрөтчү С. Торобеков Суусамырда. Кенеп, май. 50x60.
Күн нуру менен жарыкланган карыя. Кенеп, май. 70x50.
Ыссык-Көл. Кенеп, май. 50x110.
Жылы кеч. Кенеп, май. 80x95.
Чеберлер. Кенеп, май. 80x100.
Чыгыш натюрморт. Кенеп, май. 40x70.
Суу үчүн. Кенеп, май. 80x100.
Жылы кыш. Кенеп, май. 50x70.