Алымов Бек (1932-1998), педагогика илимдеринин доктору (1995), профессор (1986)
Кыргыз. Чүй облусунун Панфилов районунун Чорголу айылында төрөлгөн. ОГПИни (1955) жана Кыргыз НИИ педагогикасынын аспирантурасын (1965) аяктаган.
Мугалим, директор, СШнын завучусу, Кырг. НИИПдин улук илимий кызматкери, доцент, КГНУнун профессору болуп иштеген. Педагогика жана адабият таануу тармагында адис.
Эл аралык Айтматов Академиясынын академиги. СССР жана Кыргыз ССРинин жазуучулар жана журналисттер союзунун мүчөсү.
Кыргыз ССРинин эмгек сиңирген мугалими (1983). 200дөн ашык илимий эмгектери, анын ичинде 5 монография, 20 окуу китеби жана окуу-методикалык колдонмолор жарыяланган. Анын жетекчилиги астында 7 кандидаттык диссертация корголгон.
Негизги эмгектери:
1. Кыргыз совет адабиятын окутуунун методикасы. Жогорку окуу жайларынын студенттери үчүн окуу китеби. 2 китеп: Фрунзе, «Мектеп», 1981, 1984.
2. А. Токомбаевдин чыгармаларын окутуу. Фрунзе, «Мектеп», 1976.
3. Мектеп сочинениеси. Мугалимдер жана студенттер үчүн окуу куралы. Фрунзе, «Мектеп», 1982.
4. Абитуриенттердин сочинениеси. Бишкек, 1991.
5. Кыргыз совет адабияты. VIII класс үчүн окуу китеби. Фрунзе, «Мектеп», 1990, 1992.
