Данияров Санжарбек Сеитович (1931-1998)

Данияров Санжарбек Сеитович (1931-1998), тарых илимдеринин доктору (1982), профессор (1986), НАН КРнин корреспондент-мүчөсү (1993).

Кыргыз. Чүй облусунун Кемин районунун Шабдан айылында туулган. КГУнун (1953) бүтүрүүчүсү. ОГПИде мугалим болуп иштеген, Кыргыз ССРинин КПнын Борбордук Комитетинин бөлүм башчысынын орун басары, Баспасөз комитетинин төрагасы, Кыргыз ССРинин маданият министринин орун басары, улук илимий кызматкер, сектор жана бөлүм башчысы, НАН КРнын ИИнин директору болуп иштеген. XX кылымдагы Кыргызстан тарыхы боюнча адис.

Кыргыз Республикасынын эмгек сиңирген илимпозу (1993). 150дөн ашык илимий эмгектери жарыяланган. Анын жетекчилиги астында 2 докторлук жана 10 кандидаттык диссертация корголгон.

Негизги эмгектери:

1. Советтик Кыргызстандагы маданий курулуш 1918-1930-жж. Фрунзе, 1963.
2. Орус маданиятынын кыргыз эл маданиятынын өнүгүүсүндөгү прогрессивдүү мааниси жөнүндө. Фрунзе, 1964.
3. Кыргызстанда Лениндин маданий революция программасын ишке ашыруу. Фрунзе, 1972.
4. Кыргызстан КПсынын жалпы билим берүү үчүн күрөшү. Фрунзе, 1980.
5. Кыргыз социалисттик маданиятынын калыптанышы. Фрунзе, 1983.