Данияров Санжарбек Бакирович (1928)

Юля • 18.04.2015, 10:33 • Кыргызстандын илимпоздору

Данияров Санжарбек Бакирович (1928), медициналык илимдердин доктору (1970), профессор (1972), КР НАН академиги (1989), илим жана техника боюнча КРнын мамлекеттик сыйлыгынын лауреаты (1996).

Кыргыз. Чүй облусунун Кемин районунун Каинда айылында төрөлгөн. КГМИни (1948) аяктаган, ошол жерде аспирантурада окуган. Ассистент, доцент, профессор, проректор, ректор болуп иштеген, 1987-жылдан тартып КГМАнын кафедрасынын жетекчиси.

Адам жана жаныбарлар физиологиясы, радиобиология боюнча адис. «Почет белгиси», «Эмгектин кызыл туусу», «Элдер достугу» ордендери, СССРдин 2 медалы, «Данк» медалы (1997), Америкалык биографиялык институтунун “Мындан миң жыл мурунку адам-2000” алтын медалы (2000) менен сыйланган. Кыргыз ССРинин эмгектеги ардактуу дарыгери (1977). КРнын эмгектеги илим ишмери (1991). 290дан ашык илимий эмгектери, анын ичинде 7 монография, 2 окуу китеби жарык көргөн. Анын жетекчилиги менен 4 докторлук жана 27 кандидаттык диссертация корголгон.

Негизги эмгектери:

1. Радиация оорусу жана жүрөк-кан тамыр системасы. Фрунзе, «Кыргызстан», 1974.
2. Жогорку тоолор жана вегетативдик нерв системасы. Ташкент, «Медицина», 1977.
3. Жогорку тоолор шартында жүрөктүн иштеши. Ленинград, «Медицина», 1980.
4. Жогорку тоолорго адаптацияланган организмдин вегетативдик нерв системасынын ролун изилдөөнүн жыйынтыктары жана келечеги. Бишкек, 1989.
5. Адам физиологиясынын негиздери. Жогорку окуу жайлары үчүн эки томдук окуу китеби. Санкт-Петербург, 1994.

Дагы окуңуз:

Дагы окуңуз:

Комментарий жазуу: