Назаров Мадамин Назарович

Назаров Мадамин Назарович (1933),

педагогика илимдеринин кандидаты (1957), профессор (1961)

Кыргыз. Ош облусунун Араван районунда туулган.

Мектеп мугалими, Араван райондук билим берүү бөлүмүнүн жетекчиси, окутуучу, улук окутуучу, ОГПИ кафедрасынын жетекчиси, доцент, 1991-жылдан тартып Ош ГУнун МПМ кафедрасынын профессору болуп иштеген.

Математиканы окутуу методикасы боюнча адис.

СССР медалдары, КР ЖКсынын Ардак грамоталары менен сыйланган.

100дөн ашык илимий эмгектери, анын ичинде 7 монография, 3 окуу китеби жарык көргөн.

Анын жетекчилиги астында 3 кандидаттык диссертация корголгон.

Негизги эмгектери:

1. Мектеп математикасынын илимий негиздери (студенттер үчүн окуу китеби). Фрунзе, «Мектеп», 1981.
2. Ыктымалдыктар теориясынын элементтери (студенттер үчүн окуу куралы). Жалал-Абад, ЖКИ, 1994.
3. Математика 5-6 (окуучулар жана мугалимдер үчүн окуу куралы). Ош, ОшГУ, 1994.
4. Математикалык пьесалар, ырлар жана очерктер (мугалимдер жана студенттер үчүн курал). Ош, ОшГУ, 1996.
5. Орто мектептерде математиканы окутуу (студенттер үчүн окуу китеби). Ош, ОшГУ, 1998.