Кыргызстандагы Т.Сатылганов атындагы филармонияда 27-сентябрда «Бишкектеги корей музыкасы күнү» аттуу маданий иш-чара өтөт.
Кореянын Кыргызстандагы элчилигинин маалыматына ылайык, концертте белгилүү корей музыканттары — Ихва аялдар университетинин профессору (виолончель) Бэ Иль Хван, пианист Ким Кенг Мин, Санменг университетинин профессору (пианино), Насарет университетинин профессору (скрипка) Джо Ин Санг, Ихва аялдар университетинин лектору (каягым) Ким Ю Срн, Ихва аялдар университетинин студенти (пхансори) Ким Кенг Хон, Дэвон орто мектебинин лектору (хэгым) Канг Е Вон чыгышат.
Ошондой эле белгилүү популярдуу ырчылар — Гу Чанг Мо, Квон Ин Ха, Шин Хе Бом да чыгышат.
Концерттик программада скрипка жана фортепиано үчүн соло, фортепиано триосу, каягым жана хэгым үчүн соло жана башка чыгармалар орун алат.
