Министрликтин басма сөз кызматынан алынган маалыматка ылайык, «Билим стандарт» аккредитация агенттиги 6 айга токтотулду. Бул чечим агенттиктин ишинде мурдагы учурда аныкталган олуттуу бузулууларды жоюлбай калганы жана Улуттук аккредитация кеңешинин бир катар көрсөтмөлөрүнүн аткарылбагандыгы менен байланыштуу.
Жыйында министрликтин реестрине кирген алты аккредитация агенттигинин 2025-жылга карата иши боюнча отчеттору да сунушталды. Катышучулар бул отчеттордон келип чыккан сунуштарды талкуулашты.
2025-жылга карата Улуттук аккредитация кеңешинин ишинин жыйынтыктарын талкуулоодо, агенттиктердин жана билим берүү мекемелеринин аккредитация процедураларын сактоону камсыз кылуу, кызыкчылыктар конфликтинен качуу жана мыйзамсыз аракеттерди алдын алуу зарылдыгы баса белгиленди.
Мындан тышкары, жыйындын катышуучулары аккредитациялык ишти жакшыртуу боюнча пландарын, анын ичинде нормативдик-укуктук актыларга мүмкүн болгон өзгөртүүлөрдү билдиришти.
