Эдиль Байсалов белгилегендей, иштеп жаткан бала бакчалардын жалпы санынын 490ы жеке менчик. 2024-жылга салыштырганда, мектепке чейинки мекемелердин саны 347ге көбөйдү.
Республика аймагында 560 кыска мөөнөттүү бала бакча жана 60 өнүгүү борбору уюштурулуп, анда 32 200 бала билим алууда. Ошондой эле, balalyk.edu.gov.kg платформасында иштеген автоматташтырылган ваучер берүү системасы киргизилди. Өзгөчө колдоо программаларынын жардамы менен, төмөн кирешелүү үй-бүлөлөр жана мүмкүнчүлүгү чектелген балдар ай сайын 2000ден 4560 сомго чейин компенсация ала алышат.
Статистика боюнча, ата-энелерден жана мыйзамдуу өкүлдөрдөн 1236 арыз келип түштү. Алардын ичинен Социалдык маселелер боюнча комиссия 572 арызды карады. Натыйжада 477 бала ваучер статусун алып, азыркы учурда жеке бала бакчаларга барып жатышат, бул жалпы арыздардын 47,7% ын түзөт.
"Балалык" платформасында ваучер алууга укугу бар 258 жеке мектепке чейинки билим берүү мекемеси катталды. Ошондой эле, республикалык бардык бала бакчалардын, менчик формасына карабастан, бирдиктүү маалымат базасы түзүлдү.
Мындан тышкары, 2025-жылы мурда мыйзамсыз жекешеленген 25 бала бакчанын имараты өзүнүн баштапкы максатына кайтарылды.
