Мэриянын маалыматы боюнча, ар бир балага уникалдуу жеке эсеп номер берилет. Ар бир баланын катышуу таблицасынын негизинде райондук билим берүү башкармалыктары ай сайын ар бир бала үчүн индивидуалдык эсептерди түзүшөт. Ата-энелерге (же мыйзамдуу өкүлдөргө) балдар бакчасынын администрациясынан төлөмдөрдүн реквизиттери жана суммалары берилет.
Тамактанууга төлөмдөр баланын жеке эсеп номерине банктар, почта бөлүмдөрү же электрондук төлөм системалары аркылуу гана жүргүзүлүшү керек.
Билим берүү мекемелеринин кызматкерлеринин жеке эсептерине акча которууга, ошондой эле белгиленген тарифтен ашык сумма которууга тыюу салынат. Наличный акчаны өткөрүп берүү да тыюу салынат.
Эгерде эсептөө же төлөм менен байланышкан кандайдыр бир суроолор болсо, ата-энелер райондук билим берүү башкармалыктарына кайрылышы керек.
Балдар бакчаларындагы тамактануунун баасы күнүнө 120 сомду түзөт.
Мурда мэрия №68 балдар бакчасында финансылык дисциплинаны бузуу фактылары тууралуу билдирген, анда айрым тарбиячылар төлөмдөрдү өзүнүн жеке электрондук капчыктарына кабыл алып, белгиленген нормадан ашык акча алып жатышкан.
