Депутат Медер Чотонов бул демилге «Баатыр эне» ордени бар энелердин эмгегин таанууга, ошондой эле билим алууга жетүүнүн социалдык адилеттүүлүгүн жана тең укуктуулугун камсыздоого багытталганын түшүндүрдү. Жобо ошондой эле үй-бүлөлүк баалуулуктарды жана балалыкты колдоого, үй-бүлө институтун бекемдөөгө жана демографиялык өнүгүүгө көмөктөшүүгө багытталган.
Жобонун алкагында «Баатыр эне» ордени бар энелердин балдарына биринчи жогорку билим алууда контракттык формада окууга 50% жеңилдик берүү сунушталууда.
Бул жобонун демилгечилери арасында депутаттар Медер Чотонов, Исманали Жороев, Бахридин Шабазов, Нуржамал Торобекова, Жылдыз Эгенбердиева, Гүлнара Баатырова, Эдита Тайгараева жана Болот Сагынаев бар.
