Кыргызгидрометтин маалыматына ылайык, 26-декабрга караган түнү Нарын облусунун айрым райондорунда, ошондой эле Жалал-Абад облусунун тоолорунда жана тоо этектеринде кар жаашы күтүлүүдө. Ошол эле учурда, Жалал-Абад облусунун өрөөндөрүндө жана Чүй, Талас, Ош жана Баткен облустарындагы айыл чарба аймактарында жаан-чачын күтүлбөйт. Ысык-Көл облусу да жаан-чачынсыз калат.
Күндуз Чүй облусунун көпчүлүк райондорунда, ошондой эле Талас, Ысык-Көл жана Нарын облустарынын айрым жерлеринде жаан жана кар жаашы күтүлүүдө, Ош жана Баткен облустарынын тоолорунда кар жаашы байкалат. Жалал-Абад облусунун өрөөндөрүндө жана Ош менен Баткен облустарынын айыл чарба аймактарында жаан-чачын күтүлбөйт.
Автомобиль жолдорунда кар катмары жана муз тоңуу мүмкүн. Айрым жерлерде туман байкалат. Батыштан соккон жел 4-9 м/с ылдамдыкта, күндүн ичинде 15-20 м/с чейин күчөйт.
Температура көрсөткүчтөрү:
Чүй облусу
түнү -4...+1
күндуз 0...+5
Талас облусу
түнү -2...-7
күндуз -1...+4
Баткен облусу
түнү -4...+1
күндуз +2...+7
Ош жана Жалал-Абад облустары
түнү -3...+2
күндуз +3...+8
Ысык-Көл облусу
түнү 0...-5
күндуз +1...+6
Нарын облусу
түнү -10...-15
күндуз 0...-5
Бишкекте түнү жаан-чачынсыз аба ырайы күтүлүүдө, ал эми күндүз жаан жана кар жаашы мүмкүн. Ошондой эле туман болушу мүмкүн. Жел батыштан 4-9 м/с ылдамдыкта болот. Түнкү минималдуу температура 0...-2, күндүз максималдуу температура +3...+5 жетет.
Чолпон-Атада да жаан-чачын жок, жел батыштан 4-9 м/с ылдамдыкта. Түнкү минималдуу температура 0...-2, күндүз максималдуу температура +4...+6.
