Кыргызгидромет тарабынан берилген маалыматка ылайык, өлкө боюнча жамгырлар күтүлүп, алар карга айланат. Тоо аймактарында күчтүү кар жаашы күтүлүүдө. Түнкүсүн жана эртең менен айрым жерлерде туман болушу мүмкүн. Шамал батыштан 4-9 м/с ылдамдыкта, ал эми айрым райондордо анын соккулары 15-20 м/с жетиши мүмкүн. Тоо боорлорунда жана тоолуу участкаларда кар күрткү жана муз тоңуу болушу мүмкүн.
4-5 ноябрда жана 6 ноябрдын түнүндө Чуй өрөөнүндө абанын температурасы -1…-6 градуска чейин төмөндөйт, ал эми күндүз 0…+5 градус болот.
Талас өрөөнүндө түнкүсүн температура -2…-7, күндүз болсо 0…+5 градус болот.
Ош, Жалал-Абад жана Баткен облустарындагы өрөөндүк зонада түнкүсүн температура 0…+5, күндүз +1…+6 градус болушу күтүлүүдө. Тоо боорлорунда түнкүсүн температура -2…-7, күндүз +3 градуска жетет.
Иссык-Куль котловинасы түнү -4 …+1 градус менен тосуп алат, ал эми күндүз температура 1…+6 градус болот.
Нарын облустун агрардык зонасында түнкүсүн температура -4…-9 градуска чейин төмөндөшү мүмкүн, күндүз болсо -1 …+4 градус болот. Тоолордо түнкүсүн температура -5…-10, күндүз - 0…-5, бийик тоо аймактарында түнкүсүн -15…-20, күндүз - -5…-10 градус болушу күтүлүүдө.
Мындай жагымсыз аба ырайы транспорттун, энергетикалык жана коммуналдык кызматтардын ишин кыйындатышы, ошондой эле жайыттарда малды багуу жана кармоо үчүн шарттарды түзүүдө кыйынчылыктарды жаратышы мүмкүн.
6 ноябрдын түнү жана эртең менен Ош, Жалал-Абад, Баткен облустарынын өрөөндүк зонасында -1…-3 градуска чейин тоңуу болушу мүмкүн. Бул тоңуулар жашылчаларга, ошондой эле жабылбаган картошка жана кант кызылчасына терс таасирин тийгизиши мүмкүн, деп эскертилет.
