Кыштын келип калганы Бишкекте. Кыргызгидромет маалымдайт...

Көзгө көрүнгөн суук жана кар — Кыргызстан боюнча аба ырайынын болжолу 18-октябрга чейин

Жекшемби, 14-октябрда өлкөнүн көпчүлүк бөлүгүндө жамгыр күтүлүүдө, Чүй жана Талас өрөөндөрүндө жамгыр карга айланат, тоо этектеринде жана тоолуу аймактарда кар жаайт. Чүй, Талас, Ош, Жалал-Абад, Баткен облустарында айрым жерлерде туман болушу мүмкүн. Шамал батыштан, 3-8 метр секундга, Ысык-Көл жана Нарын облустарында 15-20 метрге чейин күчөйт.

Шамал батыштан, 2-7 метр секундга, айрым жерлерде 20 метрге чейин күчөйт.

Чүй облусунда түнкүсүн 1-6 градус жылуу, күндүз +2…+7.

Талас облусунда түнкүсүн 0…+5, күндүз 2-7 градус жылуу.

Ош, Жалал-Абад жана Баткен облустарында түнкүсүн +2…+7, күндүз +10…+15.

Нарын облусунда түнкүсүн –1…+4, күндүз 10-15 градус "плюс" менен.

Ысык-Көл облусунда түнкүсүн +1…+6, күндүз 8-13 градус жылуу.

Ошто түнкүсүн 5-7 градус жылуу, күндүз +11…+13.

Бишкекте түнкүсүн +1…+3, күндүз +2…+4.

15-октябрда Чүй, Жалал-Абад, Ысык-Көл, Нарын облустарынын тоолуу жана тоо этектеринде кар жаайт, калган аймактарда жаан-чачын болбойт.

16-октябрда мезгил-мезгили менен жамгыр, Чүй жана Талас өрөөндөрүндө жамгыр карга айланат, тоо этектеринде жана тоолуу аймактарда кар жаайт. Чүй, Талас, Ош, Жалал-Абад, Баткен облустарында туман болушу мүмкүн. Шамал батыштан, 4-9 метр секундга, айрым жерлерде 15-20 метрге чейин күчөйт.

17-октябрда өлкөнүн көпчүлүк бөлүгүндө жамгыр жана кар, айрым райондордо жаан-чачын күчтүү. Шамал түндүк-батыштан, 5-10 метр секундга, айрым жерлерде 18-23 метрге чейин күчөйт.

18-октябрда жаан-чачын Ысык-Көл жана Нарын облустарында гана күтүлүүдө. Шамал түндүк-батыштан, 5-10 метр секундга.

19-20-октябрда жаан-чачын болбойт. Аба температурасынын өзгөрүшү күтүлүүдө.