«Хан-Тенири» мамлекеттик табигый паркында жапайы жаныбарлардын таң калыштуу сүрөттөрү тартылган. Кыргыз Республикасынын Табигый ресурстар, экология жана техникалык көзөмөл министрлиги бул тууралуу маалымдады.
Ведомствонун маалыматына ылайык, фотокапкаларды орнотуу «Илбирс» фондунун демилгеси менен АМИК долбоорунун алкагында жүргүзүлгөн.
«Хан-Тенири» паркы өзүнүн алыстыгы жана кол тийбестиги менен белгилүү, бул жерде кар барыстары, маралдар жана архарлар жашайт.
Маалыматта, Табигый ресурстар министрлиги илимий изилдөөлөрдү жана биологиялык ар түрдүүлүктү коргоо боюнча демилгелерди активдүү колдой турганы белгиленген.
