Нарын облусунда, «Салкын-Төр» мамлекеттик табият паркынын аймагында илимий мүнөздөгү экспедиция өткөрүлдү. 2025-жылдын июнь айында өткөн иш-чаранын жүрүшүндө, парк кызматкерлери жапайы жаныбарларды тарткан фото капкындарды орнотушту.
Кыргыз Республикасынын Табият ресурстары, экология жана техникалык көзөмөл министрлиги бул экспедициянын максаты парктын аймагындагы жандуу жана жандуу эмес табият компоненттерин изилдөө, биологиялык ар түрдүүлүктү эсепке алуу жана экосистеманын абалын баалоо экенин билдирди.
Фото капкындар аркылуу алынган маалыматтар жаныбарлардын түрлөрүн, алардын жашоо жерлерин жана жүрүм-турумун аныктоого мүмкүндүк берет. Бул маалыматтар экологиялык мониторинг системасын жакшыртуу жана жапайы жаныбарларды коргоо боюнча иш-чараларды пландаштырууда колдонулат. ```
