Аламедин районунда Бишкек жана Аламедин районунун Экологиялык жана техникалык көзөмөл кызматынын Региондук башкармалыгынын инспекторлору тарабынан уюштурулган рейд өткөрүлдү.
Чүй облусунун Аламедин РОВДсы менен биргеликте өткөрүлгөн иш-чаранын жүрүшүндө эндуро-мотоциклдарды колдонууда жайыттардын бузулушу боюнча учурлар катталды.
Текшерүүнүн натыйжасында жайыт жерлерин пайдалануу эрежелерин бузгандыгы үчүн эки мотоциклчи кармалды. Аларга «Жайыт жерлерин максатсыз пайдалануу жана экологиялык талаптарды бузуу» боюнча укук бузуулар кодексинин 245-2-беренеси боюнча административдик протоколдор түзүлдү.
Ар бир укук бузуучуга 5500 сом өлчөмүндө айып пул салынды, бул жалпы 11 000 сомду түзөт.
