Жүргүзүлгөн текшерүүнүн жыйынтыгы боюнча, «Т.» компаниясы өлкө аймагында коммерциялык ишмердүүлүк жүргүзгөн, бирок салык каттоосунан өтпөгөнү белгилүү болду.
Генпрокуратура Мамлекеттик салык кызматы менен биргеликте мыйзам бузууларды жоюу боюнча чараларды көрүп, натыйжада компания Кыргыз Республикасынын салык органдарында катталган.
Натыйжада ыйгарым укуктуу органга $2 миллион 885 миң (252 миллион 365 миң 250 сом) салык төлөмдөрү түрүндө каражат келип түштү.
Генпрокуратуранын расмий билдирүүсүндө платформанын так аталышы көрсөтүлгөн эмес. Бирок, Мамлекеттик салык кызматынын орун басары Кубаныбек Ысабеков жакында Temu маркетплейси республикада салык каттоосунан өткөнүн маалымдаган. Бул интернет-платформа тууралуу сөз болуп жатышы мүмкүн.
