Бул демилге ОшГУнун ректору Кудайберди Кожобеков тарабынан 22-октябрда университетте өтүп жаткан Евразия тармактык форумунда сунушталды жана иш-чаранын катышуучулары тарабынан колдоо тапты.
Жаңы ассоциациянын негизги максаты колдонмо илимди өнүктүрүү жана дүйнөлүк илимий тажрыйбаны колдонуу болуп саналат. Ага инновацияларга жана технологиялык прогресске кызыккан жогорку окуу жайлары, илимий-изилдөө институттары жана ишкерлер кире алат.
Бул демилге ЕАЭСтин узак мөөнөттүү илимий-техникалык өнүктүрүү боюнча стратегиялык программасынын алкагында сунушталды, ал 2025-жылдын 12-сентябрында Евразия экономикалык комиссиясынын Кеңеши тарабынан бекитилген. Проект катышуучу өлкөлөрдүн биргелешкен илимий изилдөөлөрдү жүргүзүү, инновациялык долбоорлорду өнүктүрүү, технологиялык прогрессти тездетүү жана илимий потенциалдын атаандаштыкка жөндөмдүүлүгүн жогорулатуу үчүн аракеттерди координациялоого багытталган.
Бул демилге «Евразия экономикалык жолу — 2045» программасынын иш-чаралары менен шайкеш келип, ЕАЭСтин имиджин жакшыртууга жана евразия экономикалык интеграция идеяларына көмөктөшүүгө багытталган.
