Бүгүн, 2015-жылдын 16-мартында, Кыргыз Республикасынын Президенти Алмазбек Атамбаев Россия Федерациясынын Президенти Владимир Путин менен Санкт-Петербург шаарында жолугушту.
Жолугушуунун жүрүшүндө эки мамлекеттин башчылары кыргыз-россия кызматташтыгынын соода-экономикалык, инвестициялык, отун-энергетикалык, маданий-гуманитардык жана башка тармактардагы актуалдуу маселелерин талкуулашты.
Президент Алмазбек Атамбаев жана Россиянын президенти Владимир Путин биргелешкен долбоорлордун ишке ашырылышын карап, Евразия экономикалык биримдигинин алкагындагы эки тараптуу өз ара аракеттенүүнүн аспекттери боюнча пикир алышышты.
Келечектеги экономикалык интеграция маселелерине токтолуп, Россиянын президенти Владимир Путин акыркы максат Кыргызстан экономикасынын Россия, Казакстан, Беларус, Армения экономикасына ылайыкташтырылышы экенин белгиледи. «Албетте, булар – чечилүүчү тапшырмалар, жана биз буларды тезирээк жасасак, ошончолук жакшы», - деди россиялык президент.
Өз кезегинде Президент Алмазбек Атамбаев Кыргызстан Евразия экономикалык биримдигине мурда белгиленген мөөнөттө кирүүгө ниеттенип жатканын айтты. «Бизде дагы көп адамдар бар, алар бажы чек аралары болбогондугун эскеришет. Албетте, бүгүн бизде жыйналган маселелерди талкуулоого жакшы мүмкүнчүлүк бар», - деди Алмазбек Атамбаев.
Мамлекет башчылары көп тараптуу кыргыз-россия кызматташтыгын мындан ары чыңдоо жана өнүктүрүүнүн маанилүүлүгүн белгилешти.
