2016-жылдын 2-февралы, Бишкектеги Иран элчилигинде Ислам Республикасы Ирандын Кыргыз Республикасындагы Чрезвычайный жана Ыйгарым укуктуу элчиси Али Наджафи Хошруди журналисттер менен жолугушуу өткөрдү. Иш-чаранын жүрүшүндө дипломат эки өлкөнүн ортосундагы мамилелер жана ИРИ менен Кыргызстандын ортосундагы кызматташтык келечеги тууралуу айтып берди.
Өзүнүн саламдашуу сөзүндө Али Наджафи Кыргыз Республика менен Ирандын ортосунда көптөгөн окшоштуктар бар экенин, айрыкча, маданий жана тарыхый мурасында: кыргыз тилинде перс тилинден келип чыккан көптөгөн сөздөр бар экенин белгиледи. Азыркы учурда, элчинин айтымында, ИРИ жана КР демократия жана элдик бийлик менен бириккен.
- Бүгүн мен сыймыктануу менен айта алам, Ислам Республикасы Иран менен Кыргыз Республикасы ортосундагы мамилелер абдан динамикалык жана келечектүү мезгилди баштан кечирүүдө, - деди Али Наджафи. - Жакында КРнын президенти Алмазбек Атамбаев Иранга расмий сапар менен барды, ал эми эки жыл мурун биздин президент Хасан Рухани биринчи чет өлкөгө болгон сапарын Кыргыз Республикасына жасаган. Биздин өлкөлөр ортосунда мындай деңгээлдеги сапарлар 13 жылдан бери болгон эмес. Атамбаев мырзанын ИРИге болгон сапарынын жүрүшүндө кызматташтык боюнча сегизден ашык документке кол коюлду, ошондой эле эки өлкөнүн президенттеринин биргелешкен билдирүүсү болду. Соңку 6-8 айдын ичинде биздин мамлекеттердин башчылары кызматташтыкты өнүктүрүү боюнча өз ара кат алышып жатышат.
Дипломаттын айтымында, Иран менен Кыргызстандын ортосундагы кызматташтык чоң потенциалга ээ, айрыкча, экономика, соода, айыл чарба, жаңы технологиялар, транспорт тармактарында. Маданий өз ара аракеттенүү да өнүгүүдө. Мисалы, "Кыргызстанда иран маданияты күндөрүн" өткөрүүгө даярдык көрүлүүдө, ошондой эле Ирандын курама командасы ушул жылдын сентябрында КРда өтө турган Дүйнөлүк көчмөндөр оюндарына катышууну пландаштырууда.
- Инвесторлорду тартуу боюнча сүйлөшүүлөр жүрүүдө, - деп билдирди элчи. - Биз жакын арада Кыргызстан менен Ирандын биргелешкен өкмөттөр аралык комиссиясынын 11-жыйынын өткөрүүнү пландаштыруудабыз. ИРИден көптөгөн жетекчи фирмалардын жана компаниялардын, ошондой эле мамлекеттик жана расмий өкүлдөрдүн өкүлдөрүн камтыган чоң делегация келет. Күн тартибине инвестициялоо боюнча кыргыз-иранистандык жумушчу тобун түзүү боюнча документ киргизилет. Аны кол коюу үчүн үмүттөнөбүз.
Журналисттердин Нарын дарыясында ГЭС куруу долбоору ирандык инвесторлор үчүн кызыктуу эмеспи деген суроосуна Али Наджафи Хошруди жооп берип, азырынча бул тууралуу сөз болбой жатканын айтты: - Ирандын дамбаларды жана гидроэлектр станцияларын курууда чоң тажрыйбасы бар. Революциядан кийин биздин өлкөдө жүздөгөн дамбалар жана ГЭСтер курулган. Кыргыз Республикасында гидроэнергетика боюнча чоң потенциал бар. Бирок учурда бул тармакта конкреттүү долбоорду ишке ашыруу пландалган жок. Аталган объекттерге инвестициялоо көлөмү абдан чоң, жана бул үчүн көптөгөн биргелешкен иштерди жүргүзүү, долбоордун мүмкүнчүлүктөрүн жана деталдарын изилдөө керек, - деп түшүндүрдү элчи.
