Бүгүн, 2014-жылдын 24-октябры, Кыргыз Республикасынын Президенти Алмазбек Атамбаев Баткен облусунун тургундарын Искра айылындагы «Манас» мектебинин жана Лейлек районундагы Кок-Таш айылындагы К. Боронбаев атындагы мектебинин ачылышы менен куттуктады.
Мамлекет башчысынын куттуктоосунда Лейлек районундагы жаңы мектептердин ачылышы маанилүү окуя экендиги белгиленет. "Акыркы жылдары биз билим берүүгө өзгөчө көңүл буруп келебиз. Ар жылы мамлекеттик бюджеттен миллиарддаган сомдор бул тармакка бөлүнөт. Жаңы мектеп стандарттары акырындык менен киргизилип, билим берүү мекемелеринин материалдык-техникалык базасы жаңыланууда, жаңы мектептер курулууда. Бул биздин мамлекет үчүн маанилүү кадамдар. Анткени, бүгүн мектеп партасында отурган балдардын келечеги көп жагынан биздин келечегибизге таасир этет", - деп белгиленет куттуктоодо.
Ошондой эле, мугалимдердин жана окутуучулардын ролу жаш муундун чоң, өз алдынча жашоого жана ийгиликтүү кесиптик ишмердүүлүккө даярдыгынын сапаты жана деңгээлине чоң таасир этери баса белгиленди. "Мектеп – бул келечекке жол. Мугалим жаш кыргызстандыктарды билим жолунда жетелеген жол. Ошондуктан, биз мугалимдердин эмгегин жогору баалоо керек", - деп айтылат мамлекет башчысынын куттуктоосунда.
Иш-чаранын соңунда Президент Алмазбек Атамбаевдин атынан Кыргыз Республикасынын Президентинин Аппаратынын биринчи орун басары Икрамжан Илмиянов мектеп директорлоруна компьютердик техниканын сертификаттарын тапшырды.
