Мамлекет башчысы Социал-демократиялык партиясынын парламенттик фракциясына жана Жогорку Кенештин башка фракцияларына парламенттик көпчүлүктүн коалициясын түзүү жана коалициялык келишимди түзүү учурунда, бардык мамлекеттик бийлик бутактарынын негизги милдети 2013-2017-жылдарга карата республиканы туруктуу өнүктүрүүнүн Улуттук стратегиясын шартсыз ишке ашыруу жана мамлекеттик саясаттын улантылышын камсыздоо экенин эске алууну сунуштады. Бул тууралуу Кыргыз Республикасынын Президентинин Аппаратынын маалыматтык саясат бөлүмү билдирет.
Ошол эле учурда, Кыргызстанга чыныгы финансылык жана экономикалык көз карандысыздыкка жетүү, жарандардын жашоо деңгээлин жогорулатуу, мамлекеттик бийликти бекемдөө, мамлекеттик башкарууда терс көрүнүштөрдү жеңүү, мамлекеттик бийлик бутактарынын өз ара аракеттенүүсүнүн натыйжалуу системасын түзүү, башка мамлекеттик органдардын ыйгарым укууларына кийлигишүүнү жана мыйзам чыгаруу, аткаруу жана сот бийлигин каршы коюуну жокко чыгаруу, сот реформасын активдүү жүргүзүү, ошондой эле терроризм жана экстремизмге каршы күрөштү күчөтүүгө көңүл бурууну тапшырды.
Жогоруда аталган милдеттерди ишке ашыруу үчүн, мамлекет башчысынын пикири боюнча, парламенттик көпчүлүктүн коалициясы түзүп жаткан Өкмөт менен натыйжалуу жана макулдашылган өз ара аракеттенүү зарыл, коалициянын өкмөттүн мыйзам долбоорлоруна макулдашылбаган өзгөртүүлөрдү киргизүүсүн жана Жогорку Кенештин депутаттары тарабынан сунушталган салык жана жыйымдар боюнча мыйзамдарды, ошондой эле мамлекеттик бюджеттен кошумча чыгымдарды же мамлекеттик бюджеттен каржыланган чыгымдарды көбөйтүүчү башка мыйзамдарды өкмөт менен макулдашпастан кабыл алууну жокко чыгаруу керек.
