2014-жылдын 14-октябрынан баштап Кыргыз Республикасынын Улуттук китепканасынын сейрек жана өзгөчө баалуу басылмалар залында «Чыныгы легендага айланган мамлекеттик ишмер» аттуу китеп көргөзмөсү уюштурулду, ал коомдук жана мамлекеттик ишмер Турдакун Усубалиевдин 95 жылдыгына арналган.
Т. Усубалиев 1919-жылы Кочкор районунун Кочкор айылында төрөлгөн. 1961-жылдан баштап Кыргыз ССРинин КПнын Биринчи катчысы болуп иштеген. 1959-85-жылдары Кыргыз ССРинин КПнын Борбордук Комитетинин мүчөсү, ал эми 1961-85-жылдары КПССтин Борбордук Комитетинин мүчөсү болгон.
Т. Усубалиев – акылман жана алыс көрүүчү саясатчы, мамлекеттик масштабда ойлонгон инсан. Кыргызстандын Компартиясын жана мамлекетти 25 жыл башкарып, ал Нарын гидрокаскадын куруу, «Манас» аэропортун, Кожомкул атындагы спорт сарайын, Кардиологиялык борборду, «Учкун» редакциялык-чыгармачылык комплексин, улуттук филармония жана китепканаларды, сүрөт искусствосунун жана Тарыхый музейлерди, «Ысык-Көл» жана «Кыргызстан жээги» санаторийлерин куруунун уюштуруучусу болгон. Анын жетекчилиги учурунда өлкөдө өнөр жай жана турак жай курулушу өнүгүп, жаңы заманбап тармактар – машина куруу, түстүү металлургия, прибор куруу, электроника, гидроэнергетика пайда болгон. 1985-жылы Кыргызстандын ишканалары 4000ден ашык өнөр жай продукциясын өндүргөн. Т. Усубалиевдин жетекчилигинде республика мурдагы СССРдин экономикалык жактан өнүккөн региондорунун бири болуп калды, Кыргызстанда илим жана маданиятты өнүктүрүү үчүн көп иштер жасалды.
Аналитик жана журналист катары өзгөчө жөндөмдөргө ээ болгон Т. Усубалиев ар дайым кеңири уюштуруучулук ишмердүүлүктү китептер, брошюралар, публицистикалык макалалар боюнча кылдат иш менен оптималдуу айкалыштырууга аракет кылган. Ал интернационалист катары ишенимдүү жана туруктуу болуп, ушул темада бир нече китеп чыгарган. Анын китептери терең анализдин натыйжасында алынган бай маалыматтарды, фактыларды, сандарды, обобщенияларды камтыйт.
Көп жылдар бою Т. Усубалиев Кыргыз ССРинин Жогорку Кеңешинин депутаты болуп шайланган. Ал Ленин орденинин 4 жолу, Октябрь революциясынын, Эмгектин Кызыл Туу орденинин, Элдер достугу орденинин, «Манас» орденинин ээси. Т. Усубалиев – Кыргыз Республикасынын Баатыры.
Өзүнүн куракка жеткенине карабастан, Турдакун Усубалиевич Усубалиев республикадагы коомдук-мамлекеттик жашоодо активдүү катышып, өзүнүн билимдери, бай тажрыйбасы менен бөлүшүп, кыргызстандыктарга жакшы жашоо үчүн барын жасоодо.
Көргөзмөдө Т. Усубалиевдин китептери жана макалалары, ошондой эле анын өмүр жолун чагылдырган гезит, журнал макалалары жайгаштырылган.
